Firqa-parasti (sectarianism)
Firqa-parasti ki wajah se log ek dusre ko bura kehte aur jhagadte hai. Ye asal me Islam ki asal talimaat se doori aur apni pasand-o-na-pasand ko Deen par Tarjih dene ka natija hai. Qur'an aur Hadees me is baat ki sakhti se Mazammat ki gai hai ke musalman apas me tifarke (division) Aur firqa-wariyat kare.
Allah ï·» aur uske rasool ï·º ne musalmano ko ek Ummat banne Aur Ittehad par zor diya hai.
EK UMMAH KA HUQUM
Allah ï·» ne farmaya: Aur sab milkar Allah ki rassi ko mazbuti se pakadlo, Aur tafarko me na bato.
(Surah Al-imran 103)
Is ayat me Allah ki Rassi se Murad Qur'an-o-sunnat hai. Mazbuti se pakadlo ka matlab hai ke musalman Qur'an-o-sunnat ki taleem ko apnaye, us par amal kare aur apni zindagi ko Allah ki Hidayat ke mutabik guzare. Mazbuti se pakadne ka talluk yaqeen aur amal dono se hai. Ye sirf aqwal tak mehdood nahi hona chahiye, balke Amaal me bhi Zahir hona chahiye.
tafarko me na bato ka matlab hai: Allah yahan musalmano ko tambeeh kar raha hai ke wo apas me firqa-wariyat aur tafarko se bache.
TAFARKO se Murad hai.
- Apne beech me jhagde aur ikhtilafat paida karna.
- Ek dusre ke khilaf bugz aur nafrat rakhna.
- Apne Alag-alag firqo aur dosto ka ghera bana kar dusre musalmano se alag ho jana.
TAFARKO KI MAZAMMAT
Allah ï·» ne farmaya: aur jo log Deen me tarafka karte hai aur firqo me bante hai, tumhara unse koi talluk nahi, Unka mamla Allah ke sath hai.
(Surah an'aam 159)
Yahan Allah ï·» un logo ki mazammat karta hai jo Deen-e-Islam ko jo asal me ek hai, usko mukhtalif firqo aur Aqido me takseem karte hai. Islam ki asal talimaat Qur'an-o-sunnat ko chhod kar apne banaye huwe raaste ikhtiyar karte hai.
Firqo me bante hai se Murad: ye un logo par dalalat karta hai jo Islam ke asal maqsad yani ek Ummah banne ko chhod kar apne Aqide aur nazaryat ki buniyad par alag alag firqe banate hai.
Ye log apne Aqide aur firqe ko Islam (Qur'an-o-sunnat) se upar samajhte hai. Jo ummat ke beech tafarka aur nafrat paida karta hai.
Tumhara Unse Koi Talluk Nahi Ka matlab: Allah apne rasool ï·º se farmata hai ke tumhara unse koi talluk nahi jo Deen ko tod kar firqa-parasti karte hai.
Iska matlab hai ke Islam un logo ke amal ko qubul nahi karta jo tafarko aur firqo ki buniyad par hai.
Unka maamla Allah ke Sath hai: tafarka aur FIRQA-PARASTI karne walo ka hisaab aur faisla Allah karega. Ye ek tambeeh hai ke aise log Apne amaal ke liye jawabdeh hai aur unka anjaam Allah ke hath me hai.
Allah un logo ko unke Amaal ka natija dikhayga jo unke liye saza ka Sabab banega.
IKHTILAF AUR NAFRAT KA NATIJA
Allah ï·» ne farmaya: aur apas me na jhagdo, warna tum kamzor pad jaoge, aur tumhari Hawa Ur jaygi.
(Surah Anfal 46)
Allah ï·» musalmano ko tambeeh karta hai ke apas me jhagde aur ikhtilaf na karo, kyu ke iska natija kamzori aur nafrat me nikalta hai.
Hawa Ur jaygi: ka matlab hai tumhara Dubb-Daba, tumhari izzat aur takat khatam ho jaygi.
Ekta aur ittehad musalmano ki takat hai. Jubke tafarke aur jhagde ummat ki kamzori ka sabab bante hai.
ITTEHAD KA DARS
Nabi ï·º ne farmaya: musalman ek jism ki tarah hai agar jism ke kisi hisse me dard hota hai, to pura jism bedaar aur bekarar ho jata hai.
(Sahih Muslim 6586/ int 2586)
Musalman ek dusre ke liye aise hi hai jaise ek jism ka hissa. Agar kisi musalman ko taklif ho to baki musalmano ko uska dard mehsoos karna chahiye aur uski madad karni chahiye.
Is hadees me ittehad, bhai-chara aur ek dusre ke liye khair ka dars diya gaya hai.
Lekin aaj musalman hi musalman ka dushman bana hua hai. Ab ek jism nahi rahe musalman ab takleef Dekhne se bhi dusre musalman ko uska dard mehsoos nahi hota. Kyu ke firqa-wariyat Logo ke dil dimaag me is kadar bhar chuki hai ke musalman hi musalman ko dushman samajhta hai.
TAFARKA AUR GUMRAHI
Nabi ï·º ne farmaya: meri ummat 73 firqo me bategi, unme se sirf ek jannat me jayga. Sahaba-e-kiram ne pucha wo konsa firqa hoga jo jannat me jayga? Aap ï·º ne farmaya: Jo mere aur Mere Sahaba ke Naksh-e-kadam Par Honge.
(Tirmizi 2641)
Firqa-parasti Aur Gumrahi: musalman firqa-parasti Aur apas ke ikhtilaf ki wajah se gumrahi me chale jaynge. Firqa-parasti Islam ki asal talimaat ke khilaaf hai.
Gumrahi ka matlab hai Allah Aur uske rasool ï·º ke huqum ko chhod kar apne Khud ke banaye huwe tariko par chalna.
Haq Parasti par Chalne Ki Pehchan: jo Qur'an-o-sunnat aur Sahaba-e-kiram ke amal aur aqwal ko follow karte hai wahi haq par hai.
Sahaba Islam ki asal talimaat ka practical model hai. Is liye unke tariko par chalna zaruri hai.
Har musalman ka farz hai ke wo firqa-wariyat se door rahe, aur Qur'an-o-sunnat ka mutala kare, take haq aur gumrahi me fark kar sake.
Kyu ke hadees me saaf Allah ke rasool ï·º ne farmaya hai: wahi haq par hai jo mere aur mere sahaba ke naksh-e-kadam par chalega aur wahi jannat me jayga.
To apne har Amal ko Allah ke rasool ï·º aur Sahaba-e-kiram ke amal ke sath Mila kar check karen ke kya Aapka amal jise aap sawab ki niyat se ya ibadat samajh kar karrahe hain, kya wo amal Allah ke nabi ï·º ne ya sahaba-e-kiram ne kiya hai? Agar kiya hai to kis tarah kiya hai aur kitna kiya hai? Kyu ke naksh-e-kadam par chalna hi kamyabi hai.
IKHTILAF PAR AZAAB
Nabi ï·º ne farmaya: Barabar ho jao, Apas me ikhtilaf na karo, warna Tumhare Dil Alag ho Jaynge.
(Mishkat-ul-Masabih 1088)
FIRQA-PARASTI KE ASBAB AUR HAL
Firqa-parasti ka sabse bada sabab Jahalat hai. Log Deen ka Sahi Ilm nahi rakhte aur apni pasand, Jazbaat aur Be-buniyadi Aqido ko Deen samajh kar mukhtalif firqo ka hissa ban jate hai. Deen ke asal Ahkam Qur'an-o-sunnat se doori unko Gumrahi ki taraf le jati hai.
Qur'an-o-sunnat Ka Ilm Hasil karna har musalman par farz hai. Sahi Ilm se hi Gumrahi aur FIRQA-PARASTI se bacha ja sakta hai.
Har musalman ko Qur'an-o-sunnat Par amal karna chahiye, Aur apni zindagi ko Deen ke asal Ahkam ke mutabik guzarna chahiye.
Aise Ulama ki sohbat ikhtiyar karni chahiye jo Qur'an-o-sunnat ke asal manhaj par ho Aur Tafarko se Door Rehte ho.