Rishta pasand karne aur iski tasdeeq ke hawale se Qur'an aur hadees ki roshni me islami talimaat nihayat wazeh hai, Islam ne nikah jaise muqaddas amal ke liye kuch Usool mukarrar kiye hai, take muashre me khushali, mohabbat aur adal Qayam rahe.
Allah ï·» ne Farmaya: aur un aurto se nikah karo jo tumhe pasand aye, do do, teen teen, aur char char, lekin agar tumhe andesha ho ke insaf na kar sakoge to sirf ek hi se nikah karo.
(Surah nisa 3)
- Allah ï·» ne musalman mardo ko char aurto tak se nikah karne ki ijazat di hai, ye ijazat zarurat ki buniyad par hai, lekin e ijazat lazmi nahi, balke ikhtiyar hai, Islam ne polygamy ko mukarrar Usoolo aur shariyat ke sath Kanooni banaya hai, jo ke is zamane ke muashre me aurto ke huqooq ki Himayat thi.
- Polygamy ki ijazat ke sath insaf ki shart rakhi gai hai, agar ek mard ko ye Khof ho ke wo apni biwiyon ke darmiyan insaaf nahi kar sakega, to use sirf ek hi nikah karne ka huqum diya gaya hai. Insaaf ka matlab hai har biwi ko uske huqooq, Jazbaat aur zarurat barabar diya jaye.
- Islam ki talimaat mardo ko insaaf aur mas'uliyat ka dars deti hai. Agar kisi mard ko ye andesha ho ke wo insaf nahi kar payga, to sirf ek hi aurat se nikah karna afzal hai.
Allah ï·» ne farmaya: paak mard paak aurto ke liye hai aur paak aurte paak mardo ke liye hai.
(Surah Noor 26)
- Ye ayat mardo aur aurto ke intikhab ke liye ek mayar Qayam karti hai, paak log wo hai jo Deen aur Akhlaq me mazboot hai aur gunaho aur badkirdaro se door hai, Allah ï·» ne ye wazeh kar diya ke paak aur achhi tarbiyat ke logo ke liye paak sathi hi behtreen hai.
- Ye is baat ko bhi wazeh karti hai ke ek paak insan ka rishta napaak insan ke sath nahi hona chahiye. Ye insan ki Jazbaati aur akhlaqi hayat ko mehfooz rakhne ke liye hai, Deen aur Akhlaq me minasibat ek shandaar zindagi ke liye zaruri hai.
- Paak log sirf dunia me ek dusre ke sathi nahi hote, balke Akhirat me bhi unka mayar Allah ke nazdeek Barabar hota hai. Ye ayat is baat ka izhar karti hai ke musalman ka rishta usi ki tarbiyat aur muashrat ke mutabik hona chahiye.
Nabi ï·º ne farmaya: aurto se nikah char chizo ki buniyad par kiya jata hai, maal, hasab-o-nasab, jamaal aur Deen. Paa tum Deen ko tarjeeh do, Kamyab ho jaoge.
(Sahih Bukhari 5090)
Nabi ï·º ne is hadees me wo aam Asbab bayan kiye Jin par log nikah ka intikhab karte hai.
- Aksar log maal-o-daulat ko ahmiyat dete hai lekin ye sirf dunia ke fayde tak mehdood hai.
- Khandan aur nasab ko bhi log ahmiyat dete hai, magar Islam me sirf nasab ki buniyad par fakhr karna maqbool nahi.
- Khubsurti ek jazbati wajah hai lekin waqt ke sath ye bhi mit jati hai.
- Nabi ï·º ne Deen ko sabse afzal karar diya, kyu ke ye dunia aur Akhirat ki kamyabi ka zariya hai. Nabi ï·º ka huqum hai ke agar tum sach me kamyabi chahte ho, to Deen ko apna mayar banao, deen-dar aurat ek behtreen ghar ki buniyad rakhti hai. Jo shohar aur bachho ke liye ek achchi tarbiyat ka zariya banti hai.
Nabi ï·º ne farmaya: jub tum mese koi kisi aurat ko nikah ka paigam de. To agar mumkin ho to use dekh le.
(Abu Dawood 2082)
- Is hadees me nabi ï·º ne shariyat ke dayre me rehkar shadi se pehle dekhne ki ijazat di, take dono taraf Mohabbat aur samajh ka rishta barkarar ho. Ye dekhna ek zarurat aur hikmat hai jo musalman Muashre me khushgawar shadiyo ka zariya banta hai.
- Is hadees se ye wazeh hota hai ke dekhna sirf sharai hudood ke andar hona chahiye, dekhne ka maqsad sirf sha'rawi khwahis nahi, balke nikah ke faisle me madad lena hai.
- Nikah ke faisle me dono tarfo ka Jazbaat aur samajh ka imtihan zaruri hai, agar dekhne ke baad pasand ho to mohabbat aur samajh badhti hai, agar na-pasand ho to kisi fitne ya nafrat ka sabab nahi banta.
Nabi ï·º ne farmaya: koi nikah wali ki ijazat ke bagair jayaz nahi.
(Ibn-e-majah 1881)
Nabi ï·º ki is hadees me nikah ke liye wali ki ijazat ko shart karar diya gaya hai. Wali ka tasawwur aur uski ahmiyat shariyat ke muashrati aur Kanooni nizaam ko behtreen tarike se samajhne ke liye zaruri hai.
- Wali wo shaks hota hai jo nikah ke faisle me aurat ka sarparast aur uske huqooq ka muhafiz hota hai. Aksar ye aurat ke karibi rishtedar hote hai jaise baap, bhai, ya chacha.
- Wali ka Kirdar is baad ki hifazat karta hai ke aurat ka nikah kisi galat jagah ya na-pasand shaksiyat se na ho. Islam ka nizaam wali ko Zimmedar banata hai ke wo aurat ke maqasid aur Jazbaat ka khyal rakhe aur uske huqooq ki hifazat kare.
- Wali ke faisle ko aurat ki raza-mandi ke sath hona zaruri hai, agar wali aurat ke huqooq ya Jazbaat ko nazar andaaz kare, to Islam wali ka wali ka faisla cancel karke aurat ko haq deta hai ke wo wazi ya wali-adal ke zariye apna nikah kare.
- Islam aurat ki hifazat aur uske huqooq ko maqbul banata hai. Wali ka Kirdar ek muhafiz aur rehnuma ka hota hai.
- Wali ka hona is liye zaruri hai ke nikah ka faisla jazbati aur galat tallukat par mabni na ho.
- Agar wali na ho, ya usne na-jayaz mana kiya to qazi wali ka Kirdar ada karega. Nabi ï·º ne farmaya: jiska koi wali na ho to hakin wali hai. (Abu Dawood 2083)
- Rishta dekhne ke liye Deen, Akhlaq aur Kirdar ko buniyad banaya jaye.
- Nikah ke liye wali ki ijazat hasil ho.
- Ek martaba dekhne ki ijazat hai magar hudood ka khyal rakha jaye.
- Insaaf aur Mohabbat ke takaze pure kiye jaye.