Nabi ï·º ne farmaya: mujhe Allah ki taraf se Huqum diya gaya hai ke logo se jung karu is waqt tak ke wo is baat ka ikraar karlen ke Allah ke siwa koi mabood nahi hai aur ye ke mohammad ï·º Allah ke sachche rasool hai, aur namaz Ada karne lage, Aur zakat de, jis waqt wo ye karne lagenge, to mujhse apni jaan aur maal ko mehfooz kar lenge, siwaye Islam ke haq ke inka haal Allah ke zimme hai.
Sahih Bukhari 25
Ye hadees islami talimaat me bohot Aham hai aur iske mukhtalif pehluon ko samajhna zaruri hai take iska sahi mafhoom wazeh ho sake.
Hadees k maqsad:
Is hadees ka maqsad Deen Islam ke buniyadi usoolo aur islami riyasat ke Qayam ke liye zaruri shara'it ko wazeh karna hai. Ye huqum ibtidaai daur-e-islam ke un khaas halaato me diya gaya jub Islam ki dushman Takaten musalmano ko unke Aqide aur unki azaadi se mehroom karne ki koshish kar rahi thi. Is hadees me jung ka zikr dawat-e-Deen ki raah me rukawaten door karne aur islami muashre ko mazbuti banane ke tanazur me hai.
Qur'an aur Siyaaq-o-sabak ke mutabik:
Allah ï·» ne farmaya: Deen ke maamle me koi zabardasti nahi.
Surah Al-Baqarah 256
Is hadees ka ye matlab nahi hai ke Islam Zabardasti logo par musallat kiya jaye. Balke ye hadees un khaas Halaat ko bayan karti hai jub kuffar-e-makkah aur dusri dushman Takaten islam ko mitane aur musalmano ko khatm karne ki koshish kar rahi thi.
Qitaal ke Shara'it:
Islam me qitaal ya jung sirf in halaat me jayaz hai.
- Jub musalmano par zulm-o-sitam kiya jaye.
- Jub Deen ki dawat ko zabardasti roka jaye.
- Jub islami riyasat ko zabardasti khatm karne ki koshish ki jaye.
Hadees me Islam ke Haq ki wazahat:
Hadees me Islam ke haq ka matlab islami qawanin ki pasdari aur muashrati nizam ko behtreen banana hai.
- Agar koi islamic riyasat me rehta hai to use Islami riyasat ki pasdari karni hogi. Chahe wo musalman ho ga gair musalman.
- Zakat islami riyasat ke maali nizam ka hissa hai, aur iski adaiygi riyasat ke istiqam ke liye zaroori hai.
- Imam nawawi rehmatullah alaih: ye hadees aam taur par Bayan ki gai hai, magar iska matlab khaas Halaat hai, jaise wo log jo Deen ki dawat ko rokne ya musalmano pe zulm karne par mulawis ho.
- Ibne hajar asqlani rehmatullah alaih: ye hadees un logo par lagu hoti hai jo Islam ki buniyadi talimaat se inkar kare aur musalmano se jung karen.
- Imam tabri rehmatullah alaih: ne is hadees ko dawat-o-tableeg ke tanazur me samjha aur kaha ke jung ka maqsad logo ko zabardasti musalman banana nahi hai, balke unke samne haq ko wazeh karna aur zulm ko khatm karne hai.