addathana Yahya bin Bukayr, kaha: Haddathana Al-Layth, 'An 'Uqayl, 'An Ibn Shihab, 'An 'Urwah bin Zubair, 'An Aishah Ummul Mumineen, ke unhone kaha:
Pehli baar jo wahi Rasoolullah ﷺ par aayi thi, woh wahi khwab me ayi thi jo unhe neend mein dikhayi gayi thi. Nabi ﷺ kabhi aise khwab nahi dekhte the, jo subah ke waqt ki roshni ki tarah sach ho jate ho, lekin jub wahi ke khwab ane lage jo khwab me dekhte aur din me wo khwab ki bat haqikat me tabdeel ho jati thi, Phir unhe akela rehna pasand aaya aur woh Gaar-e-Hira mein akele ja kar ibadat karte thay, kuch raten isi tarah guzarne lagi, phir apne ghar walon ke paas wapas aakar zaroori cheezen jaise khane pine ki lekar dobara Gaar-e-Hira mein chale jaate the. Aise hi woh wahan ek lamba waqt guzar rahe the, ek din haq ka paigham lekar jibraeel alaihissalam Gaar-e-Hira me nabi ﷺ ke paas Aa gaye.
Phir jibraeel alaihissalam ne nabi ﷺ se kaha: "Iqra'!" (Padho). Unhone kaha: "Main qari' nahi hun." Phir us jibraeel alaihissalam ne nabi ﷺ ko apne seene se laga kar aise dabaaya ke nabi ﷺ ko bohot takleef hui, phir unhe chhoda aur kaha: "Iqra'!" Unhone phir kaha: "Main qari' nahi hoon." Phir jibraeel alaihissalam ne unhe dobara se dabaaya aur kaha: "Iqra'!" Aur phir wahi aakhiri bar unse kaha: "Iqra' bismi rabbikaal ladee khalaq, khalaqal insana min 'alaq, iqra' wa rabbuka al-akram." (Surah Al-Alaq, Ayat 1-3)
Rasoolullah ﷺ is paigham ke saath wapis apne ghar aaye aur unka dil behad bechain aur ghabrahat me tha. Woh Khadeejah bint Khuwailid رضي الله أن وردة ke paas aye kaha: "Zammilooni, zammilooni" (Mujhe kambal me lapet do, mujhe kambal me lapet do). Unhone unhe lapet diya jab tak unki ghabrahat bechaini door na ho gai. Phir nabi ﷺ ne Khadeejah رضي الله أن وردة ko pura waqia bataya aur kaha: "Mujhe apne upar khauf ho raha hai." Khadeejah رضي الله أن وردة ne kaha: "Kya Allah ﷻ aapko ruswa karega? Kabhi nahi, Aap to rishtedari ko mazboot karte ho, sab logon ki madad karte ho, gareebon ki madad karte ho, mehmaan nawazi karne me sabse age ho aur sachai ke raste par chalne walo ki hamesha madad karte ho."
Phir Khadeejah رضي الله أن وردة unhe Waraqah bin Nawfal ke paas le gayi, jo Khadeejah رضي الله أن وردة ke chacha the. Waraqah ek purana shaikh the jo Islam se pehle nasara (Christian) ho gaye the aur kitab-e-Injil ko Hebrew mein likha karte the. Waraqah ne nabi ﷺ se poocha ke unhone jo kuch dekha hai wo pura waqia bataye, uske baare mein nabi ﷺ ne shuru se akhir tak pura waqia bataaya. Phir Waraqah ne kaha: "Yeh wahi farishta hai jo Allah ne Musa Alayhi Salaam par bhi bheja tha. kitna achha hota agar main is waqt zinda hota jab tumhare qoum tumhe nikaal degi." Nabi ﷺ ne poocha: "Kya woh mujhe nikaal denge?" Waraqah ne jawab diya: "Haan, koi bhi insaan agar aise paigham ke saath aaye, to usse zaroor dushmani ho jaati hai. Agar mujhe us waqt tumhara saath dene ka mauka mila, to main tumhari madad karunga.
Uske baad Waraqah kuch hi dinon mein wafat kar gaye, aur wahi ke aane wali halaat ruk gayi.
Sahih Bukhari hadees no 3
Explanation
1.Hadees ka pehla hissa
Nabi ﷺ par wahi ki shuruat ache khwab se shuru hui thi, jo subha ki roshni ki tarah sache aur saaf hua karte the.
Quran Shareef me Allah ﷻ Farmate hai, Ke nabi ﷺ apni marzi se kuch nahi bolte, balki ye wahi hoti hai jo in par nazil ki jati hai.
Surah an-najm ayat 3.4
Aulema ke nazdeek wahi ki shuruat nind me khwab dekhne se shuru hui, Asqalani ke mutabiq, yeh Allah ka ek tadreeji tareeqa tha jo Nabi ﷺ ko Allah ﷻ wahi ke liye tyar kar raha tha, ye rukshat wahi ki ek catagory hoti thi, jo anbiya alaihissalam ke liye khaas hua karti thi.
2. Fir nabi ﷺ ko akele rahna zyada pasand ane laga, to nabi ﷺ agar e Hira me jakar akele rahne lage,
Alag rahne se Murad aulemao e nazdeek ye hai ke Aap ﷺ us waqt jo shirk biddat aur gumarih be tadaad faili hui thi, aap un sab se bilkul hi khud ko door rakhna chahne Lage, take usko dekh bhi na sake, aur Allah ﷻ ko akele tanhai me khoob yad karne lage.
3. Jibraeel alaihissalam ne farmaya Iqra ( padho) to nabi ﷺ ne jawab diya: mujhe padhna nahi aata,
is jagah par Jibraeel alaihissalam ne nabi ﷺ ko koi likhi hui chiz nahi dikhai thi, sirf yuhi farma rahe the Iqra (padho),
Isko is tarah samjha ja sakta hai. Jaise ek bacha jisko ye to pata h ke ye quran arabic me hai lekin na usko kisi ne sikhaya na padhaya. Aur achanak us bache koi koi kehde ke tum quran padh kar sunao, to bacha kahega mujhe padhna nahi Ata.
Isi tarah dunia me be-shumar zubane boli jati hai. Lekin har insan ko wo zuban bolna nahi ati. Aur na padhna ati hai. Lekin pata sabko hai ke Han ye bhi language s hai.
Hum wapas hadees par ate hai:
Isi tarah 3 martaba padhne ko kaha. Uske bad nabi ﷺ Allah ke Huqm se padhe: Iqra bismi rabbi kallazi khalaq,
Surah al-alaq ayat 1.
Aulema ke nazdeek ye wahi ki shuruat ka pehla muqam tha, jo Nabi ﷺ ke ummi (unpadh) hone ki dalil bhi hai, imam Ibn kaseer keehte hai ke Allah ﷻ ne nabi ﷺ par wahi ki shuruat aise ki ke nabi ﷺ ki zindagi me ye ek bade inqilab ka agaaz tha.
4. Nabi ﷺ is wahi ke paigam ke sath gaar e heera se wapas apne ghar gaye to Aap ﷺ ka dil kapkapa raha tha,
Jaisa ke Allah ﷻ ne quran me farmaya,
Hum tum par ek bhaari qalaam nazil karenge.
Surah Muzammil ayat 5
Iska matlab hai ke wahi ka nuzul bohot hi shadeed bhari hota hai, imam qurtubi farmate hai ke wahi ek aisi bhari takat thi jo insan ke jism aur rooh par bohot bhaari asar karti thi, ke jiski wajah se nabi ﷺ ko ghabrahat hone lagi aur dil kapkapane laga tha.
5. Ghar ane par nabi ﷺ ne Khadija رضي الله أن وردة (ummat ki maa) se farmaya mujhe kambal lapet do, mujhe kambal lapet do,
Is par Abhi Allah ﷻ ne quran me farmaya hai,
Aye kambal Oudh ne wale raat ko uthkar ibadat Karo siwaye thodi der ke.
Surah Muzammil ayat 1.2
Is waqt nabi ﷺ apne jazbaat ko sambhaal rahe the, aur ye Saari dunia ke insaan aur Allah ﷻ ke darmiyan ka pehle izhaar tha.
6. Hazrat Khadija رضي الله أن وردة ne kaha:
Allah ﷻ aap ko kabhi ruswa nahi karega, Rishtedari jodte hai, madad karete hai, logo ke sath bhalai karte hai, aur hamesha sachai ke sath khade rahte hai.
Isko bhi. Allah ﷻ ne quran me bayan farmaya hai ke: Beshak Tum ek Azeem Akhlaaq par ho.
Surah al-qalam ayat 4.
Isse Ye sabit hota hai ke nabi ﷺ wahi ke ane se pehle bhi ek bohot hi nek parhezgar amanatdaar,aur imaan daar the, imaam nawawi kehte hai ke hazrat Khadija رضي الله أن وردة ka ye Kalaam unki aqalmandi aur nabi ﷺ ki biwi hone ke sath Aap ki khidmat ke jazbe ka izhaar hai.
7. Ye wahi farishta hai jo musa alaihis-salam par bhi nazil hota tha,
Quran me Allah ﷻ ne farmaya: aur kisi Rasool ka ye muqaam nahi hai ke Allah ﷻ ke izn ke bagair koi nishani le aye.
Surah gafir ayat 78.
Waraqah ne nabi ﷺ ki tasdeeq ki aur kaha ke ye wahi farisha hai jo musa alaihis-salam par bhi ata tha,
Imam Ibn Hajar kehte hai ke ye ek akela Wahid waqiya hai jo ye bayan karta hai ke nabi ﷺ ke nabuwat ke pehle gawah waraqah the.
Note:
Ye hadees hame ye sikhati hai ke wahi Allah ﷻ ka ek nizam hai jo tadreeji tarike se nabi ﷺ ke dil aur jazbaat ko mazbooti se tyar karne ka kaam karta hai, is Hadees se ye bhi sabit hota hai ke quraan ki tasdeeq karna hi sabse pehla Huqm hai, is hadees se nabuwat ki shaan aur nabi ﷺ insaniyat ka bhi izhaar Hota hai ke nabi ﷺ nabuwat se pehle bhi bohot hi nek insan the.