Nabi ﷺ ne wahi ke ruk jane ke zamane ke halaat bayan karte hue farmaya:
ke ek din main chal raha tha ke achanak maine aasman ki taraf se ek awaaz suni aur maine apna sar aasman ki taraf uthaya. To dekhta hoon ke wahi farishta jo mere paas Gaar-e-Hira mein aaya tha, woh aasman aur zameen ke darmiyan ek kursi par baitha hua hai.
Main is se dar gaya aur ghar aane par maine phir kambal odhne ki khwahish zahir ki. Is waqt Allah Pak ki taraf se ye ayat nazil hui:
"Aye lihaf odhne wale Uth khada ho aur logon ko Allah ﷻ ke azaab se dara, aur apne Rab ki badaai bayan kar, aur apne kapdon ko paak saaf rakh, aur gandagi se door rah.
Surah Al-mudassir.
Iske baad wahi ka nuzul tezi ke sath pai-dar-pai nazil hona shuru ho gaya,
Is hadees ko Yahya bin Bukair ke ilawa Lais bin Saad se Abdullah bin Yusuf aur Abu Saleh ne bhi riwayat kiya hai. Aur Aqeel ke ilawa Zahri se Hilal bin Rawad ne bhi riwayat kiya hai. Yunus aur Muammar ne apni riwayat mein lafz "fu'adahu" ki jagah "bawadahu" naqal kiya hai.
Sahih Bukhari hadees no 4
Ye hadees nabi ﷺ ke shuruati halaat aur nabuwat ke Agaaz ko bayan karti hai, is hadees ke har hisse me eham sabaq aur hidayat mojood hai,
Chaliye Isko hum details me samjhne ki koshish karte hai.
1. Nabi ﷺ par gaar e heera me jub pehli wahi Nazil hui, uske baad aap ﷺ ghabrahat ki wajah se ghar par kambal lapet kar let gaye the. Aur uske baad kuch arse ke liye wahi ka nuzul ruka raha, is waqt ko fitarul wahi kaha jata hai.
Is waqt nabi ﷺ bohot zyada fikarmand the ke wahi ka nuzul ab tak dobara nahi hua tha.
Aulema ke nazdeek ye waqt Allah ﷻ ne nabi ﷺ ko propper sambhalne aur ready hone ke liye diya tha.
2. Hadees ke dusre hisse me Jibraeel alaihissalam ka dubara aana aur AASMAN O ZAMEEN ke darmiyan me kursi par baithna hai.
Nabi ﷺ farmate hai maine ek aasmaan ki taraf se ek awaaz suni aur maine apna sar aasman ki taraf uthaya to wahi farishta jo gaar e heera me aya tha, wo kursi par baitha hai.
Nabi ﷺ ka jibraeel alaihissalam ko is tarah dobara dekhna is baat ki dalil tha ke nabi ﷺ par wahi ka nuzul ab lagatar hone wala hai,
Aur kursi par Bitha kar jibraeel alaihissalam ko Allah ﷻ nabi ﷺ ko dikha kar Wahi ki azmat aur aur apni qudrat ka izhar karna hai.
3. Nabi ﷺ ne is halat me Jibraeel alaihissalam ko firse dekha to nabi ﷺ dar gaye, aur fir Ghar jakar kambal odhne ki khwahish ki,
Kambal odhne ka matlab ye hai ke nabi ﷺ Allah ﷻ se aur zyada hidayat ke aur hosle ke talabgar the,
Olema isko nabi ﷺ ki bashariyat aur aajizi ki alamat karaar dete hai.
4. Nabi ﷺ jub kambal ne jub kambal odh liya tha nabi ﷺ par Allah ﷻ ne surah Al-mudassir nazil kardi. Is urah ki ayato me Allah ﷻ ne nabi ﷺ ko huqum dia,
Ke aap uth kar apni zimmedariyan adaa karen.
Logo ko Allah ﷻ ke azaab se darsyen,
Logo ko Allah ki azmat aur badaai bayan karen.
Apne kapdo ko paak saaf rakhe aur har tarah ki gandagi se khud ko door rakhen.
Yahan par har tarah ki gandagi se Murad kuch olema farmate hai. Ke isme but-parasti shirk aur gunaho ke kaam bhi shamil h.
Tafseer Ibn kaseer
5. iske baad tezi ke saath pai-dar-pai wahi ka nuzul shuru ho gaya,
Surah Al-mudassir ke nazil hone ke baad nabi ﷺ ki nabuwat ka Agaaz ho gaya,
Wahi ka tasalsul is bat ko Zahir karta hai. Ke Allah ﷻ ne Deen ke paigam ko marhala waar nazil karna shuru kiya.
Is tasalsul ka maksad Logo ke liye rehnumai karna tha, take log Allah ﷻ ke Deen ko mukammal tarike se samajh kar Amal kar sake.
Sahih Bukhari 4954.
6. Hadees ke akhir me Is hadees ki mukhtalif Sanad bayan ki gai hai, jaise Yahya bin Bukair ke ilawa Lais bin Saad se Abdullah bin Yusuf aur Abu Saleh ne bhi riwayat kiya hai.
Hadees ki mukhtalif Sanad ye batati hai ke ye hadees Alag-alag Ravi,o ke zariye hum tak pohchi hai.
Muhaddisin ne is sanad ko bohot mazboot aur mu-tabar karar diya hai, aur inke apsi ikhtilaf se hadees ke maani par koi asar nahi padta.
Sahih Bukhari 4954
Note:
Ye hadees nabi ﷺ ki shuruati nabuwat ko hi bayan nahi karti balke har musalman ke liye is hadees me paigam hai, ke wo bhi Allah ﷻ ke paigam par mazbooti ke sath Amal kare, apne Akhlaaq aur kirdaar ko har tarah ke gunah aur gandagi se paak saaf rakhe, Aur Allah ﷻ ki azmat ko bayan karte huwe Allah ke Deen ko dunia me phailane ki koshish kare.